منتدى الولاء
المواضيع الأخيرة
» نصائح للمحافظة على الشعر
السبت 30 يونيو 2012, 1:31 am من طرف Almassy

» اقوال انيس منصور فى المراه
الأربعاء 27 يونيو 2012, 6:50 pm من طرف Almassy

» نكت مصريه اصيله
الخميس 09 فبراير 2012, 4:48 pm من طرف Almassy

» جامده جدا وجربوا
الأربعاء 11 يناير 2012, 5:20 pm من طرف Almassy

» رسالة حب صغيرة
الإثنين 07 نوفمبر 2011, 8:36 pm من طرف Almassy

» الأوائل فى مسابقة كأس العالم
الثلاثاء 05 أبريل 2011, 7:52 pm من طرف Almassy

» كأس العالم
الثلاثاء 05 أبريل 2011, 7:51 pm من طرف Almassy

» الفيـــــــــــــــــــــــــفا
الثلاثاء 05 أبريل 2011, 7:48 pm من طرف Almassy

» دول وعواصم وعملات
الثلاثاء 05 أبريل 2011, 7:45 pm من طرف Almassy


رومانسيه ورخامه

استعرض الموضوع السابق استعرض الموضوع التالي اذهب الى الأسفل

رومانسيه ورخامه

مُساهمة من طرف ???? في الجمعة 21 مايو 2010, 8:50 pm

هو وهى يسيران ع الكورنيش ف عز الحر ... والشمس محرقة
و يا صباح العرق
هي : عطشانة
هو : وأنا كمان .
هي : يعنى ... عايزة اشرب!
هو : أكيد ما دام عطشانة يبقى عايزة تشربي .
هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة .

هو : ومين اللي هيحاسب ؟؟
هي : أنت طبعاً .
هو : منين ياحسرة .. ماانتى عارفة الكانز وغطاه .
هي : ما قلتش عايزة كانز .. كفاية إزازة صاروخ .
هو : طب لو هاتجيبى اعزمينى معاكى .
هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟
هو : عندك الكورنيش كله .. اختاري الرصيف اللي يعجبك .
هي : قصدي تعزمنى في مكان شاعري .
هو : في الحر ده .. ماينفعش .
هي : بلاش دى .. نأخد مركب عالكورنيش .
هو : المراكب بتغرق اليومين دول .. خلينا ع البر أحسن .
هي : بلاش المركب تعالى نأكل ترمس .. أظن ده رخيص .
هو : إنتى تضمني منين إن الراجل غاسل إيده وغاسل الترمس .
هي : أعوذ بالله .. إنت مقفلها كده ليه ؟؟
هو : بصراحة معييش فلوس .
هي :يا سلام !! .. ماأنت كان معاك إمبارح .
هو : إمبارح دخلت سينما مع مُزة حلوة كده فالفلوس خلصت .
هي : مزة ؟؟!! وبتقولها في وشى .
هو : أكذب عليكى يعنى .
هي : لأ .. تحرق دمى أحسن .
هو : أنا مش شامم حاجة .
هي : يخرب بيت البرود .
هو : برود إيه ؟؟ ماهو الجو مولع أهو .
هي : إنت اللي بارد .
هو : بارد إزاى ؟؟ دا أنا بشُر عرق .
هي : بقولك إيه .. روحنى .
هو : أروحك ؟! هو إنتى ماتعرفيش تروحي لوحدك .
هي : آآآآه .. طب أنا ماشية .
هو : ليه يا حبيبتي؟؟
هي : حبك برص .
هو : الله يسامحك .. ميرسى .
هي : بجد كده كتير .
هو : كتير إيه ؟؟
هي : إرحمنى .. واضح إن الحر بيجى معاك بالعكس .. يا بارد .
هو : يعنى مصممة تمشى ؟؟
هي : أيوة وحالاً كمان .
هو : طب استني لما نوصل آخر الشارع .
هي : اشمعنى ؟؟
هو : أصل أنا ساكن هناك .. و مايرضكيش أروح لوحدى .
هي : يا نااااااااااااااااااااااس.. إلحقونى.. الواد ده بيعاكسنى .
مش هى دى برضه الرومانسيه ولا ايه !!

????
زائر


الرجوع الى أعلى الصفحة اذهب الى الأسفل

رد: رومانسيه ورخامه

مُساهمة من طرف ???? في السبت 22 مايو 2010, 2:49 pm

ههههههههههههههههههه
والله جدعه وهو يستاهل
وتسلم ايدك

????
زائر


الرجوع الى أعلى الصفحة اذهب الى الأسفل

رد: رومانسيه ورخامه

مُساهمة من طرف ???? في السبت 22 مايو 2010, 11:21 pm

شكرا اوراق الورد

????
زائر


الرجوع الى أعلى الصفحة اذهب الى الأسفل

رد: رومانسيه ورخامه

مُساهمة من طرف ???? في الأحد 23 مايو 2010, 9:46 am

[quote:865a="الماجيك"]شكرا اوراق الورد[/quote]
العفو على ايه؟ بجد التوبيك حلو تسلم ايدك

????
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى